مقدمہ درج ، ڈولفن اہلکار منور حسین نے لاہو قلندرز اور کوئٹہ گلیڈی ایٹرز کے درمیان ہونیوالے میچ کے دوران 6 افراد کی بغیر ٹکٹ انٹری کرائی تھی: پولیس
لاہور (تازہ ترین اخبار ۔ 4 مارچ 2023ء ) دوستوں کو مفت پاکستان سپر لیگ (پی ایس ایل) کا میچ دکھانے پر ڈولفن اہلکار کے خلاف مقدمہ درج کر لیا گیا۔ نجی ٹی وی جیو نیوز کے مطابق پولیس کا کہنا ہے کہ ڈولفن اہلکار نے لاہور قلندرز اور کوئٹہ گلیڈی ایٹرز کے درمیان دو روز قبل ہونے والے میچ کے دوران 6 افراد کی بغیر ٹکٹ انٹری کرائی تھی۔ پولیس ترجمان کا کہنا ہے کہ ڈولفن اہلکار منور حسین کو گرفتار کر لیا گیا ہے، انکوائری کے بعد مزید کارروائی ہو گی۔یاد رہے کہ پی ایس ایل کے آغاز پر پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے بھی پی ایس ایل کے فری پاسز مانگنے والوں کو مخاطب کرتے ہوئے کہا تھا کہ فری پاسز زیادہ تر وہ لوگ مانگ رہے ہیں جو صاحب حیثیت ہیں، یہ لوگ سمجھتے ہیں کہ فری پاس ان کے وی آئی پی ہونے کا ثبوت ہے۔
Post a Comment