ڈیوڈ بیکہم کے ساتھ بالی وڈ اسٹارز کی پارٹی، تصاویر منظر عام پر آگئیں
سابق اسٹار فٹ بال یونیسیف کے خیر سگالی سفیر کے طور پر بھارت کے تین روزہ دورے پر ہیں، جہاں انہوں نے ورلڈ کپ کے پہلے سیمی فائنل میں شرکت کی تاہم اب اداکارہ سونم کپور کی ممبئی کی رہائش گاہ پر ان کے لیے ایک پارٹی رکھی گئی جس میں کئی بالی وڈ اسٹارز نے شرکت کی۔
اس پارٹی میں شاہد کپور میرا راجپوت، فرحان اختر شیبانی ڈانڈیکر، ادار پونا والا کے ساتھ سونم کپور کے خاندان کے زیادہ تر افراد موجود تھے۔
اداکار شاہد کپور نے ویڈیو اینڈ شیئرنگ ایپ انسٹاگرام پر تصاویر شیئر کرتے ہوئے کہا کہ یہ وہ شخص ہیں جو مجھے اور میری اہلیہ کو اس وقت سب سے زیادہ پسند ہوتے تھے جب ہم زندگی میں پہلی مرتبہ ملے تھے۔
یہی نہیں ڈیوڈ بیکہم کیساتھ گزارے گئے خصوصی لمحات کو سوشل میڈیا پر شیئر کرتے ہوئے ملائکہ اروڑا نے اپنے بیٹے کو مخاطب کرتے ہوئے کہا کہ آرہان یہ آپکے لیے۔
Post a Comment