اسموگ کی روک تھام، لاہور ہائیکورٹ کا ہفتے کو تمام اسکول و کالجز بند کرنے کا حکم
لاہور ہائیکورٹ نے اسموگ پر قابو پانے کیلئے نجی اور سرکاری اسکول و کالجز ہفتے کے روز بند کرنے کا حکم دے دیا۔
سرکاری وکیل نے بتایا کہ جوڈیشل واٹر کمیشن کے ممبران کی نگران وزیر اعلیٰ سے میٹنگ جمعے کو ہوگی جس میں اسموگ سمیت دیگر احکامات سے آگاہ کیا جائےگا۔
عدالت نے کہا کہ اسکول و کالجز کا ہفتے کے روز مکمل شٹ ڈاؤن کرنا ہوگا، سرکاری اور پرائیویٹ دفاتر میں ہفتے میں دو روز ورک فرام ہوم کی پالیسی اختیار کرنا ہوگی، دو سال قبل ہم نے اس پالیسی پر عمل کیا تھا۔
عدالے نے ریمارکس دیے کہ اسموگ لاہور کا مسئلہ نہیں رہا، پورے پنجاب کا مسئلہ بن چکا ہے جن اضلاع میں فضا آلودہ تھی وہاں ڈپٹی کمشنرز کے خلاف کیا کارروائی ہوئی؟ اس پر سرکاری وکیل نے کہا کہ ان کے خلاف کاروائی شروع کردی گئی ہے۔
عدالت نے درخواستوں پر مزید سماعت 17 نومبر تک ملتوی کردی۔
Post a Comment